Крэмль паабяцаў меры ў адказ на закрыццё Літвой транзіту ў Калінінград
На гэта спатрэбіцца некалькі дзён, зрабіў прагноз Дзмітрый Пяскоў.
З суботы 18 чэрвеня Літва забараніла транзіт паміж РФ і Калінінградскай вобласцю тавараў, якія трапілі пад еўрапейскія санкцыі. Абмежаванне можа закрануць да 40-50% грузапатоку паміж асноўнай часткай РФ і яе эксклавам.
Пяскоў назваў такое рашэнне Літвы парушэннем усяго. Паводле яго слоў, яно патрабуе глыбокага аналізу перад прыняццем мер у адказ. На працягу некалькіх дзён такі аналіз будзе праведзены.
«Сітуацыя больш чым сур'ёзная ў гэтай сувязі, і яна патрабуе вельмі глыбокага аналізу перад тым, як фармуляваць нейкія меры і нейкія рашэнні. Гэты глыбокі аналіз на працягу наступных некалькіх дзён будзе праведзены», — сказаў Пяскоў.
Тым часам кіраўнік еўрапейскай дыпламатыі Жазэп Барэль заявіў, што сітуацыю з забаронай транзіту нельга параўноўваць з агульнай сітуацыяй вакол Украіны і яе наступствамі для свету, мяркуе кіраўнік дыпламатыі ЕЗ Жазэп Барэль.
«Я дакладна не ведаю, але гэта нельга параўноўваць. Нельга параўноўваць сітуацыю ў Калінінградзе з сітуацыяй ва Украіне для сусветнай супольнасці […] сітуацыя ў Калінінградзе не закране ўвесь астатні свет, але ўвесь астатні свет закранае сітуацыя, якая разгортваецца ва Украіне», — заявіў Барэль, адказваючы на пытанне пра тое, ці не выкліча забарона Літвы транзіту ў Калінінград «новую напружанасць» з Расіяй.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары