У ДТЗ пад Асіповічамі загінуў пешаход, кіроўца ўцёк з месца здарэння
У ДТЗ пад Асіповічамі загінуў 38-гадовы жыхар Жодзіна, а кіроўца ўцёк з месца здарэння, паведамляе прэс-служба Следчага камітэта.
Цела мужчыны з характэрнымі для аўтанаезду траўмамі было знойдзенае мінулай ноччу на дарозе М5 паблізу вёскі Цэль. Следча-аператыўная група правяла агляд месца здарэння, знятыя сляды і аб'екты, зафіксаваная следавая карціна.
Кіроўцу неўзабаве затрымалі. Ім аказаўся 38-гадовы жыхар Светлагорска. Знаходзячыся за рулём аўтамабіля Lexus, апоўначы на 87-м кіламетры дарогі Мінск — Гомель ён збіў мужчыну на праезнай частцы.
Асіповіцкі райаддзел СК узбудзіў крымінальную справу аб парушэнні ПДР, якое пацягнула па неасцярожнасці смерць чалавека па ч. 2 арт. 317 КК. З кіроўцам праводзяцца следчыя дзеянні.
Каментары