Упершыню званне «народнага пісьменніка Беларусі» прысвоілі рускамоўнаму літаратару
Сёння «народным пісьменнікам Беларусі» стаў генерал Мікалай Чаргінец. Гэта ганаровае званне прысвоена яму указам Лукашэнкі.
Званне «народнага пісьменніка» Лукашэнка прысвоіў усяго другі раз за сваё 28-гадовае кіраванне. Першы падобны выпадак быў вельмі даўно, на самым-самым пачатку ягонага праўлення — 16 лютага 1995 года. Тады быў уганараваны Іван Навуменка, працэс адзначэння якога быў запушчаны яшчэ да прыходу Лукашэнкі да ўлады.
Пасля таго адносіны з пісьменнікамі ў Лукашэнкі не складваліся — усе, хто быў нечага варты, стаялі ў прынцыповай апазіцыі да яго, а праўладным толькі за лаяльнасць чамусьці звання не давалі таксама. Яно фактычна існавала ў арсенале дзяржаўных ушанаванняў толькі фармальна. А з 29 сакавіка 2016 года, калі памёр Ніл Гілевіч, у Беларусі ўвогуле не заставалася жывых літаратараў, якія мелі б ганаровае званне «народны».
Уганараванне Чаргінца — сімвалічнае. Дагэтуль ні разу ў гісторыі гэтае званне не давалася ў Беларусі рускамоўнаму літаратару. З 9 народных пісьменнікаў Беларусі і 8 народных паэтаў усе пісалі свае творы на беларускай мове.
Не ўсе крытыкі высока ацэньваюць творчасць генерала Чаргінца. Ніжэй — узор ягонай творчасці:
Цяпер чытаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў44
Каментары