«На 20 секунд раней ідзём». Апублікавалі перахоп перамоў расійскіх лётчыкаў, якія 25 чэрвеня бамбілі Украіну з тэрыторыі Беларусі
Раніцай і ўвечары 25 чэрвеня з паветранай прасторы Беларусі знішчальнікамі і бамбардзіроўшчыкамі ВКС РФ быў нанесены масіраваны ракетны ўдар па тэрыторыі Украіны. Паводле інфармацыі праекта «Беларускі Гаюн», усяго магло быць выпушчана каля 50 ракет.
Дзякуючы перахопу перамоваў удалося адсачыць на відэа храналогію ракетных абстрэлаў Украіны пачынаючы з 03:45 25 чэрвеня 2022 года, а таксама вызначыць пункты ўзлёту і раёны запускаў ракет.
Ва ўдарах былі задзейнічаны бамбардзіроўшчыкі Ту-22М3, якія выляталі з ваеннага аэрадрома «Шайкоўка» (Калужская вобласць, РФ) і знішчальнікі Су-34 і Су-35, што ўзляцелі з ваеннага аэрадрома «Сешча» (Бранская вобласць).
Удары па тэрыторыі Львоўскай, Жытомірскай, Чарнігаўскай і Кіеўскай абласцей Украіны наносіліся ракетамі Х-32 і Х-59МК.
«Падыходзім да паваротнага. Выхад з Рэспублікі Беларусь», — гаворыцца ў канцы апублікаванага запісу.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары