У Магілёўскім абласным судзе быў вынесены прысуд жыхару Бабруйска Анатолю Яскевічу. Яго абвінавацілі ў распальванні расавай, нацыянальнай, рэлігійнай ці іншай сацыяльнай варожасці (ч. 1. арт. 130 Крымінальнага кодэкса), а таксама ў абразе Лукашэнкі (ч. 2 арт. 368), паведамляе «Вясна».
Справу разглядаў суддзя Ігар Зямцоў.
Паводле матэрыялаў следства, яшчэ ў маі 2021 года, выкарыстоўваючы навіну аб крушэнні ваеннага самалёта ў Баранавічах і гібелі двух лётчыкаў, у сацыяльнай сетках, у тым ліку і ў Tыктоку, 35-гадовы Яскевіч сістэматычна размяшчаў у адкрытым доступе відэазвароты, накіраваныя на распальванне сацыяльнай варожасці ў дачыненні да супрацоўнікаў сілавых ведамстваў.
Таксама ў траўні 2021 года ён вырабіў і размясціў у сацыяльнай сетцы і відэахостынгу Tык-тok ў адкрытым для неабмежаванай колькасці асоб доступе 3 відэазвароты, у якіх зняважыў кіраўніка дзяржавы, ілжыва абвінаваціў яго ў цяжкіх і асабліва цяжкіх злачынствах.
З улікам прадстаўленых дзяржаўным абвінаваўцам доказаў судовая калегія па крымінальных справах Магілёўскага абласнога суда прызнала Яскевіча вінаватым у здзяйсненні злачынстваў, прадугледжаных ч. 1 арт. 130, ч. 2 арт. 368 Крымінальнага кодэкса Рэспублікі Беларусь.
Шляхам частковага складання пакаранняў Яскевічу прызначанае канчатковае пакаранне ў выглядзе пазбаўлення волі на тэрмін 4 гады 6 месяцаў у калоніі агульнага рэжыму.
Прысуд быў вынесены 6 ліпеня.
Цяпер чытаюць
«Набліжаецца момант пералому сітуацыі». Вадзім Кабанчук пра план для беларусаў18
«Набліжаецца момант пералому сітуацыі». Вадзім Кабанчук пра план для беларусаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1717
Каментары