У вёсцы Старое Сяло пад Брэстам пад пагрозай апынуўся будучы ўраджай клубніц з-за падтаплення адной з гаспадарак. Фермеры паказалі ў сацыяльных сетках маштабы разліву вады і расказалі, што вымушаныя ратаваць градкі, як толькі могуць, піша Tochka.by.
Вада ў некаторых месцах нават пераадольвала ўзвышэнні з раслінамі, а магчымасці яе адпампаваць не было. Каб зменшыць узровень вады, гаспадары пераразмеркавалі яе ў іншыя рады і дадаткова пракапалі траншэі. Па словах аўтара відэа, за ноч вады стала менш прыкладна на 17 сантыметраў, але на поўны яе сыход патрабуецца час.
Хоць такая сітуацыя непрыемная для пасадак, яна не лічыцца крытычнай, бо зямля яшчэ моцна прамерзлая і вада ў яе амаль не ўбіраецца. Аднак чакаецца пацяпленне да +10 °C, таму неабходна як мага хутчэй пазбавіцца ад лішняй вільгаці.
Відэа з падтопленымі градкамі сабрала вялікую колькасць праглядаў і выклікала дыскусіі. Частка карыстальнікаў сумнявалася ў яго актуальнасці, бо ў многіх рэгіёнах яшчэ ляжыць снег. Аднак у гэтым раёне плюсавая тэмпература трымалася ўжо з 21 лютага, таму няма сумневаў, што ролік быў запісаны нядаўна.
Раней падобнымі ролікамі падзяліўся таксама карыстальнік тыктока з Маларыцкага раёна.
У шэрагу раёнаў Брэсцкай вобласці снегу амаль няма
Месцамі да +13°С. Надвор'е на апошнія дні зімы
У Беларусі рыхтуюцца да вясновай паводкі
Белгідрамет папярэдзіў пра магчымасць вялікай вясновай паводкі
Студзень 2026 года ўвайшоў у пяцёрку самых цёплых першых месяцаў года ў свеце. Як гэта ні дзіўна для беларусаў
Цяпер чытаюць
65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?4
Каментары