Прэзідэнт Літвы: Я спадзяюся на доўгатэрміновую вакцынацыю супраць Расіі
Прэзідэнт Літвы Гітанас Наўседа мяркуе, што разрыў эканамічных сувязяў з Расіяй аказаўся правільным крокам Вільні на фоне шантажу Масквы краін Захаду, і заклікаў іх пайсці за літоўскім прыкладам. Пра гэта Наўседа расказаў у інтэрв'ю LRT.
«Думаю, што мы шмат зрабілі, каб Літва была больш устойлівай да энергетычнага і эканамічнага шантажу Расіі. І сёння, калі я гляджу на некаторыя іншыя краіны Заходняй Еўропы, я бачу вялікі шлях, які Літва прайшла за крыху большы час», — сказаў літоўскі прэзідэнт.
Ён нагадаў, што Літва абвясціла сябе цалкам незалежнай ад расійскіх энерганосьбітаў, тады як, да прыкладу, Германія разглядае розныя варыянты эканоміі энергіі ў зімовы перыяд.
«Можна выразна ўбачыць, што палітыка, якая не мела ніякіх ілюзій у дачыненні да Расіі, спрацавала значна лепш, чым так званая realpolitik, якая цяпер з'яўляецца галаўным болем некаторых заходніх дзяржаў.
Я разумею іх становішча, але гэта ў чарговы раз пацвярджае, што Літва пайшла правільным шляхам. І чым хутчэй іншыя заходнееўрапейскія краіны выберуць гэты ж шлях, тым лепш і лягчэй будзе для ўсіх», — падсумаваў Наўседа.
У той жа час ён перакананы, што Германія зможа перажыць самыя складаныя «год-паўтара» і таксама пазбавіцца ад залежнасці ад Расіі.
«Я спадзяюся на доўгатэрміновую вакцынацыю супраць Расіі. Іншымі словамі, не будзе палітыкаў, якія праз год-паўтара будуць казаць: нам зноў трэба ўмацаваць стасункі (з Расіяй), бо Расія быццам бы змянілася ці пайшла на пэўныя саступкі. Вельмі небяспечна кіравацца такімі ілюзіямі», — дадаў прэзідэнт Літвы.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна10
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары