«Калі вы патрапілі ў яму, то першае, што трэба зрабіць — перастаць капаць». Як расійская праграмістка ўсё страціла з-за імперскай пыхі
Расійская праграмістка, пакінуўшы радзіму і атрымаўшы статус ІП у Грузіі, пераехала жыць да свайго мужа ў Эстоніі. Там ёй многае не спадабалася, а галоўнае — высокія падаткі. Сваё незадавальненне яна вынесла на людзі ў твітары, выказваючыся ў імперскім высакамерным стылі. У выніку на роўным месцы нажыла сабе праблемы.
Знаходзячыся два месяцы ў Грузіі і чакаючы там эстонскай візы, жанчына вырабіла там сабе пасведчанне ІП. А для малога бізнэсу ў Грузіі вызначаная зусім малая стаўка падаткаў — усяго 1%. У Эстоніі гэтая стаўка — 60%. Перарэгістрацыю бізнэсу ў Эстоніі, хоць гэтага і вымагалі законы, праграмістцы рабіць з-за гэтага не хацелася, бо, маўляў, «я не хачу, каб 60% майго даходу выдаткоўвалася на нейкіх украінскіх бежанцаў».
Далей, расказваючы пра свае неймаверныя пакуты, яна неаднаразова называла краіну, у якой цяпер жыве «русафобскай», бо амбасада Эстоніі ў Грузіі не спяшалася ёй экстранна рабіць візу і ўвогуле патрабавала розных пацвярджальных дакументаў. Падатковыя службы, якія ў адпаведнасці з законам патрабавалі перарэгістрацыі, таксама атрымалі ярлык «русафобаў».
Пасты Юліі Кузняцовай заскрынілі, а ў каментарах да іх затэгалі паліцыю, падатковую інспекцыю і пасольства Эстоніі ў Грузіі.
У выніку яна муcіць пакінуць краіну, да якой ставілася з такой пагардай.
На гэтую сітуацыю адрэагаваў нават былы прэзідэнт Эстоніі (2006—2016) Томас Хендрык Ільвес, які ў каментарах да паста адзначыў:
«Калі вы патрапілі ў яму, то першае, што трэба зрабіць — перастаць капаць».
-
У Брытаніі знялі з продажу модныя лялькі-монстры Лабубу — праз іх здараліся бойкі паміж пакупнікамі
-
Беларусы ў Польшчы атрымліваюць дзіўныя лісты з патрабаваннем пакінуць краіну цягам 10 дзён
-
З Ізраіля выслалі двух расіян, якія выдавалі сябе за ўкраінскіх журналістаў. Яны спрабавалі ўзяць інтэрв’ю ў Андрэя Макарэвіча
Цяпер чытаюць
У Мінску перасабралі Ракаўскае прадмесце. Там ужо гуляюць, фатаграфуюцца і ядуць13
Каментары