Пентагон: З пачатку вайны ва Украіне загінулі або атрымалі раненні ад 70 да 80 тысяч расійскіх вайскоўцаў
З такой ацэнкай выступіў намеснік міністра абароны ЗША па палітычных пытаннях Колін Каль падчас брыфінгу, паведамляе CNN.
Пахаванне расійскага вайскоўца, які загінуў ва Украіне. Фота: Адміністрацыя Канеўскага раёна Краснадарскага края
«Ёсць падставы меркаваць, што расіяне страцілі 70 або 80 тысяч чалавек менш чым за шэсць месяцаў (вайны)», — сказаў прадстаўнік Пентагона, адзначыўшы, што гаворка ідзе пра прыкладную колькасць як забітых, так і параненых вайскоўцаў Расійскай Федэрацыі.
Каль адзначыў, што такія страты сярод расійскіх вайскоўцаў з'яўляюцца «характэрнымі», улічваючы, што Расія не дасягнула ніводнай з мэтаў, заяўленых Уладзімірам Пуціным у пачатку вайны.
Ва Украіне лічаць, што ў вайне ўжо загінулі больш за 42 тысячы расійскіх салдат. Расія пра свае страты ўжо шмат месяцаў нічога не гаворыць.
Каментары
При модерновом соотношении 1/5 (при массовом использовании СИЗ и высоком качестве мед помощи)
12 тыс. и 65 тыс. соответственно.
Что то это сильно напоминает подсчет жертв ковида.
По моему уже ясно, что эти цифры никакой волшебной силы не имеют. И будь там хоть миллион. Война продолжится до победы или поражения.