Зяленскі пра мірныя перамовы: Украіна не пагодзіцца на абмежаванне войска і нейтралітэт
«Пытанне тэрыторый — гэта чырвоная лінія, якая можа абмяркоўвацца выключна на ўзроўні лідараў».
Уладзімір Зяленскі заявіў, што Украіна ў межах магчымых мірных пагадненняў не пагадзіцца на абмежаванне колькасці арміі і на нейтральны статус, піша «Украінская праўда».
«Галоўныя аспекты гэтага палягаюць у тым, што мы не можам казаць пра нейтралітэт нашай дзяржавы. І мы не павінны, наша бачанне, у прынцыпе, супадае з амерыканскім, мы не можам казаць пра абмежаванне ўкраінскай арміі», — сказаў Зяленскі ў інтэрв'ю «ТСН-Тиждень».
Ён дадаў, што гарантыі бяспекі для Украіны не могуць дыктавацца расійскім бокам.
«Такім чынам, высновы зразумелыя: абмежаванне нашай арміі і нейтралітэт Украіны не абмяркоўваюцца. Пытанне тэрыторый — гэта чырвоная лінія, якая можа абмяркоўвацца выключна на ўзроўні лідараў», — сказаў Зяленскі.
24 кастрычніка Зяленскі заяўляў, што гатовы да мірнага пагаднення, якое прадугледжвае замарожванне вайны на цяперашняй лініі фронту, аднак, паводле яго слоў, Украіна не пагадзіцца прызнаць, што «часова акупаваная тэрыторыя стала расійскай».
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары