Суды Барысаўскага раёна Мінскай вобласці і Кастрычніцкага раёна Магілёва прысудзілі «да розных відаў пакарання» ўдзельнікаў злачыннай групы, у склад якой уваходзілі работнікі друкарняў і прадпрыемстваў Дзяржзнаку.
Як паведаміў Цэнтр інфармацыі і грамадскіх сувязяў КДБ, яны займаліся незаконнай рэалізацыяй дублікатаў бланкаў таварна‑транспартных накладных, а таксама кантрольных марак, што выкарыстоўваюцца для нанясення на ўпакоўку тавараў народнага спажывання.
У ходзе праверкі інфармацыі аб наяўнасці ўстойлівых каналаў паступлення і ўцягвання ў ценявы абарот дублікатаў бланкаў таварна‑транспартных накладных (ідэнтычных па маркіроўцы ўжо выпушчаным у абарачэнне), вырабленых на прадпрыемствах Дзяржзнаку, КДБ устанавіў факты выкарыстання падробных бланкаў строгай справаздачнасці для арганізацыі і прыкрыцця ценявых фінансавых схем і дзейнасці лжэпрадпрымальніцкіх структур.
З санкцыі пракуратуры была праведзена праверачная закупка партыі падробленых таварна‑транспартных накладных. У ходзе правядзення здзелкі па куплі‑продажы ўдзельнікі злачыннай групы былі затрыманыя супрацоўнікамі КДБ.
У дачыненні да ўдзельнікаў злачыннай групы КДБ як орган дазнання распачаў тры справы па арт. 380 КК (падробка, выраб, выкарыстанне або збыт падробленых дакументаў, штампаў, пячатак, бланкаў), перададзеных потым у Генеральную пракуратуру, а затым у органы МУС для далейшага расследавання. У ходзе судовага разбору віна названых асоб «была цалкам даказаная».
Артыкул 380 КК для групы асоб, якія ўчынілі злачынства па папярэдняй змове, прадугледжвае пакаранне ў выглядзе штрафу, або арышту на тэрмін ад трох да шасці месяцаў, або абмежавання волі на тэрмін да пяці гадоў, або пазбаўлення волі на тэрмін да трох гадоў.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС9
Каментары