16‑гадовы падлетак перадаў кур’еру ашуканцаў больш за 10 тысяч рублёў, ратуючы бацькоў
На лінію 102 звярнулася 43‑гадовая мінчанка, якая паведаміла, што яе сын стаў ахвярай тэлефонных аферыстаў.
Падлетку ў месенджары патэлефанаваў ілжасупрацоўнік «Водаканала», паведамляе тэлеграм-канал «Міліцыя Мінска».
Пад выглядам планавой замены лічыльнікаў ён пераканаў хлопца паведаміць коды з SMS. Адразу пасля гэтага з непаўналетнім звязаўся нібыта супрацоўнік праваахоўных органаў і паведаміў, што раней падлетак кантактаваў з ашуканцамі, і цяпер яго бацькам пагражае крымінальная адказнасць і вобшук.
Каб «уратаваць» сям’ю ад канфіскацыі зберажэнняў падчас вобшуку, хлопцу прапанавалі сабраць усе наяўныя грошы і перадаць іх кур’еру для дэкларавання.
Па ўказанні аферыстаў падлетак знайшоў дома бацькоўскія зберажэнні — больш за 10 000 рублёў — і перадаў іх невядомаму каля пад’езда.
Супрацоўнікі крымінальнага вышуку ўстанавілі асобу кур’ера — ім аказаўся 41‑гадовы жыхар Мінскага раёна. Пасля атрымання грошай ён выехаў у суседнюю краіну, дзе перадаў іх невядомаму.
Заведзена крымінальная справа.
Цяпер чытаюць
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»31
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары