ФБР пры ператрусе ў маёнтку Трампа выявіла 11 камплектаў сакрэтных дакументаў
Сярод выяўленых пры ператрусе ў маёнтку былога прэзідэнта ЗША Дональда Трампа дакументаў былі некалькі з пазнакай «зусім сакрэтна», піша The Wall Street Journal. Выяўленыя дакументы паводле закону могуць захоўвацца толькі ў спецыяльных урадавых памяшканнях. Ператрус праводзіўся ў маёнтку Мар-а-Лага ў Фларыдзе.
Некаторыя з дакументаў, як паведамляецца, утрымліваюць інфармацыю пра французскага прэзідэнта Эманюэля Макрона.
Падчас ператрусаў супрацоўнікі ФБР шукалі ў тым ліку сакрэтныя дакументы, якія тычацца ядзернай зброі, паведамляў раней The Washington Post. Крыніцы газеты сцвярджалі, што звесткі аб ядзернай зброі даступныя вузкаму колу асоб і іх публікацыя можа дазволіць краінам-праціўнікам знайсці спосабы процідзейнічаць наяўным сістэмам.
Каментары