Аўстрыйскае СМІ паведаміла аб ДТЗ у Вене нібыта з удзелам пʼяных украінскіх дыпламатаў
У цэнтры Вены адбылося ДТЗ з удзелам нібыта ўкраінскіх дыпламатаў — іх аўто пратараніла аўтамабіль нямецкіх турыстаў, якія спыніліся на чырвонае святло. Пра гэта піша «Еўрапейская праўда» са спасылкай на выданне Kronen Zeitung.
ДТЗ адбылося ў пятніцу раніцай на вуліцы Рынгштрасэ. Па словах відавочцаў, да прыезду паліцыі ў машыне віноўніка аварыі адбылася змена вадзіцеля.
Аднак хутка аўто спынілі. 39-гадовы вадзіцель ад алкатэста адмовіўся. 33-гадовы пасажыр, які, паводле слоў сведкаў, спачатку быў за рулём аўтамабіля, пагадзіўся на праверку, якая паказала вынік у 2,32 праміле.
У выніку ДТЗ лёгкія траўмы атрымалі трэці пасажыр аўтамабіля, вінаватага ў ДТЗ, а таксама 23-гадовы вадзіцель і трое яго пасажыраў (23, 27 і 27 гадоў) іншага аўто.
«Супрацоўніцтва з праваахоўнікамі было абмежаваным. І нядзіўна: як стала вядома Kronen з інсайдэрскіх колаў, гэтыя мужчыны высокапастаўленыя дыпламаты ўкраінскага пасольства» — адзначае выданне.
Афіцыйна ў паліцыі Вены пацвярджаюць толькі тое, што кіроўца аўтамабіля-вінаватага ў аварыі сапраўды быў пʼяны.
«Калі пасольства Украіны ў Вене па ўласным жаданні не здыме з падазраваных дыпламатычную недатыкальнасць, то пʼяны дэбош застанецца юрыдычна беспакараным» — піша Kronen Zeitung.
Цяпер чытаюць
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны16
Каментары