Кіраўнік МЗС Літвы: Пачынаючы з гэтага моманту трэба сказаць яснае «не» турыстам з Расіі і Беларусі
Габрыэлюс Ландсбергіс. Фота: EPA
Каб забарона на візы для расіян была эфектыўнай, краіны Еўрасаюза павінны аднагалосна ануляваць раней выдадзеныя шэнгены і забараніць выдачу новых. Такое меркаванне выданню Politico агучыў кіраўнік МЗС Літвы Габрыэлюс Ландсбергіс.
«Пачынаючы з гэтага моманту трэба сказаць яснае «не» турыстам з Расіі і Беларусі», — сказаў ён.
На яго думку, Еўропа павінна прымаць тых, «каму патрэбны прытулак, а не адпачынак».
Ландсбергіс лічыць, што адмяніць раней выдадзеныя доўгатэрміновыя візы неабходна як мінімум на перыяд вайны ва Украіне. Тыя краіны, у якіх выступаюць супраць такога рашэння, кіраўнік МЗС Літвы заклікаў уважліва вывучыць выдадзеныя раней шэнгенскія візы.
Каментары
Зрабіце пажыццёвую забарону на наведванне ЕЗ для бел. дэпутатаў, прадстаўнікоў улады, карнікаў, спецслужбоўцаў. У дачыненні да іх семьяў таксама. Усе звесткі ёсць у Кіберпартызан і аналагічных крыніцах. Гэтага будзе больш чым дастаткова. Ці праз пару гадоў вы здыміце абмежаванні і будзеце рады бачыць забойц і гвалтаўнікоў на сваёй тэрыторыі? Мабыць, мала нквдшнікі папрацавалі ў свой час у Літве. Надта хутка літоўцы забылі смак генацыда.