У сеціве ўзняўся скандал з-за «грэцкага адпачынку» жонкі Пяскова, якая пад санкцыямі. Але ж дарэмна
У выхадныя Таццяна Наўка апублікавала відэа, на якім яна ў рэстаране б'е талеркі. «Гэта частка шалёнага начнога жыцця ў Грэцыі», гаварылася ў каментарыі Наўкі да паста. Адразу некалькі выданняў выказалі здагадку, што відэа знятае ў Грэцыі, куды Наўка не можа ўязджаць з-за ўведзеных супраць яе санкцый ЕС. Пазней відэа выдалілі.
Улады Грэцыі аператыўна абверглі, што жонка Пяскова ў абыход санкцый змагла трапіць на тэрыторыю краіны.
Тэлеграм-канал «Агентство. Новости» выказаў здагадку, што Наўка знаходзіцца не ў Грэцыі, а ў Турцыі.
У пасце пяць дзён таму яна пазіруе на фоне бібліятэкі Цэльса — славутасці ў турэцкім Эфесе.
Пазналі ў сеціве і інтэр'ер рэстарана, дзе Наўка б'е посуд. Падобны інтэр'ер можна ўбачыць на фотаздымках рэстарана Manos пад Мармарысам (каля 240 км ад Эфеса).
Manos пазначаны на сайце курорта D Maris Bay у ліку іншых рэстаранаў, даступных наведвальнікам курорта.
Адна ноч у нумары для дваіх у D Maris Bay на бліжэйшыя дні каштуе 1600 Еўра, вынікае з прайса на сайце. У верасні тут можна адпачыць танней — за 780-1020 еўра за суткі.
Рэстаран Manos апісваецца як «ажыўленая пляжная карчма з традыцыйнай грэцкай кухняй і культурай». У ліку забаў для гасцей — разбіванне талерак, па 20 лір (1,1 даляра) за кожную пры мінімальнай колькасці ў 30 штук. Як вынікае з меню, сібас з грэцкай салатай гасцям абыдзецца ў 120 даляраў на дваіх, мезэ і рыба-грыль з салатай — у 150 даляраў на дваіх, а страва на дваіх з салаты, закусак з морапрадуктаў, крэветак, краба і лобстараў — у 309 даляраў.
Санкцыі ЕЗ супраць Таццяны Наўкі былі ўведзеныя ў чэрвені. Пад імі знаходзяцца таксама дзеці прэс-сакратара Пуціна. Абмежаванні супраць сям'і Пяскова дзейнічаюць у ЗША і Японіі.
Турцыя не далучылася да санкцый супраць Расіі, што павысіла яе папулярнасць сярод расійскіх турыстаў.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль5
Каментары
Там,в Кремле все так запятнаны,
что неважно где она-в Турции ли,в Греции ли-
это уже неважно.
Вот уже предатель и сторонник Лукашенко - Воскресенский - спокойно ходит по Берлину
с шенгенской визой и вместе со всей семьёй.
Да ещё и стебётся над нами,что приехал для переговоров для улучшения немецко- белорусских официальныйх отношений.