Пра тое, што падарваны сёння ў сваёй машыне Арцём Бардзін, «камендант» акупаванага расійскімі войскамі Бярдзянска Запарожскай вобласці, памёр у бальніцы, паведаміў у сваім тэлеграм-канале расійскі прапагандыст Юрый Кацёнак.
Акупацыйныя ўлады Запарожскай вобласці афіцыйна пацвердзілі смерць высокапастаўленага акупацыйнага чыноўніка.
Аўтамабіль, у якім знаходзіўся Бардзін, падарвалі ў Бярдзянску сёння днём.
Пасля выбуху паступалі звесткі аб перастрэлцы, аднак Уладзімір Рогаў (раней ён уваходзіў у «вайскова-грамадзянскую адміністрацыю» Запарожскай вобласці, а цяпер расійскія інфармагенцтвы прадстаўляюць яго як кіраўніка аб'яднання «Мы разам з Расіяй») паведаміў ТАСС, што насамрэч у машыне Бардзіна выбухнуў боекамплект.
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары