Камандаванне войскаў Расійскай Федэрацыі прыпыняе адпраўку новых падраздзяленняў на тэрыторыю Украіны. Значная колькасць расійскіх добраахвотнікаў на фоне паспяховага контрнаступлення УСУ адмаўляюцца прымаць удзел у баявых дзеяннях. Пра гэта ў панядзелак, 12 верасня, паведаміла прэс-служба Генеральнага штаба УСУ ў фэйсбуку.
«Вайсковае камандаванне Расійскай Федэрацыі прыпыняе адпраўку новых ужо сфармаваных падраздзяленняў на тэрыторыю Украіны», — гаворыцца ў паведамленні.
Па звестках украінскага Генштаба, на рашэнне прыпыніць адпраўку новых падраздзяленняў паўплывала бягучая сітуацыя на фронце, а таксама недавер да вышэйшага камандавання Расіі — гэтыя фактары ўжо прымусілі вялікую колькасць добраахвотнікаў адмовіцца ад службы.
Таксама ўплыў аказала інфармацыя аб колькасці загінулых з расійскага боку.
У Генштабе адзначылі, што адпраўка новых падраздзяленняў абцяжараная стаўленнем да ўласных параненых: у шпіталях РФ, маўляў, наўмысна спрашчаюцца дыягназы і характар траўмаў, належным чынам не праводзіцца рэабілітацыя.
-
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
-
Жонка закаціла скандал, а ён усё адно паехаў у акопы. Гісторыя беларуса, які апынуўся на вайне праз даўгі і страх страціць жыллё
-
Пасля атакі па двух складах Wildberries маглі пацярпець да 15% складскіх плошчаў кампаніі
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары