Прэзідэнт Расіі прыедзе для назірання за ходам ваенных вучэнняў «Захад‑2009».
Прэзідэнт Расіі Дзмітры Мядзведзеў 29 верасня наведае Беларусь. Пра гэта паведамляюць РІА Навіны.
Ён прыбудзе ў Баранавічы (Брэсцкая вобласць), дзе разам з Аляксандрам Лукашэнкам будзе прысутнічаць на завяршэнні беларуска‑расійскіх аператыўна‑стратэгічных вучэнняў «Захад‑2009».
Цяпер Мядзведзеў знаходзіцца на палігоне Балтыйскага флоту «Хмелеўка» ў Калінінградскай вобласці, дзе таксама праходзяць сумесныя вучэнні.
Прэс‑служба кіраўніка Беларусі сустрэчу Лукашэнкі і Мядзведзева ў Баранавічах пакуль афіцыйна не пацвярджае.
Каментары