ISW: У Расіі растуць сумневы ў здольнасці Пуціна дасягнуць мэтаў вайны ва Украіне
Падрыў Крымскага моста ў спалучэнні з нядаўнімі няўдачамі расійскіх вайскоўцаў і «частковай мабілізацыяй» справакавалі прамую крытыку Уладзіміра Пуціна з боку прадстаўнікоў нацыяналістычнай супольнасці, настроеных на працяг вайны, пішуць у чарговай зводцы эксперты амерыканскага Інстытута вывучэння вайны (ISW).
Гэтая крытыка, якую можна лічыць беспрэцэдэнтнай, адзначаюць аналітыкі, сведчыць пра рост сумневаў у здольнасці расійскага прэзідэнта дасягнуць заяўленай мэты, «дэнацыфікацыі» Украіны, і можа знізіць прывабнасць Пуціна для яго асноўнага электарату.
Заяўленыя Пуціным мэты ўварвання, якое ён пачаў 24 лютага, знайшлі глыбокі водгук у нацыяналістычнай супольнасці, якая прытрымліваецца ідэалогіі гістарычнай і культурнай перавагі Расіі і яе права на кантроль над тэрыторыямі былога Савецкага Саюза і Расійскай імперыі.
Аднак апошнія ваенныя няўдачы прымусілі некаторых ваенных блогераў і экспертаў сумнявацца ў прыхільнасці Пуціна да гэтай ідэалогіі, а некаторыя з іх нават абвінавацілі яго ў няздольнасці адстойваць гэтую ідэалогію яшчэ да поўнамаштабнага ўварвання ў лютым, адзначаюць аналітыкі ISW.
Цяпер чытаюць
Дрон прыляцеў у пасажырскі аўтобус на мяжы Расіі і Беларусі1
Дрон прыляцеў у пасажырскі аўтобус на мяжы Расіі і Беларусі
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца44
Каментары