Заява прагучала пасля патрабаванняў Тэгерана кампенсаваць шкоду, нанесеную Ірану падчас пяцімесячнага ваеннага канфлікту.
Дональд Трамп заявіў, што Вашынгтон будзе патрабаваць ад Ірана кампенсацыі за загінулых і параненых амерыканскіх вайскоўцаў, а таксама за іранскіх пратэстоўцаў, якія загінулі ў апошнія дзесяцігоддзі. Пра гэта прэзідэнт ЗША заявіў 10 жніўня ў сваёй сацыяльнай сетцы Truth Social.
Заява Трампа прагучала пасля патрабаванняў Тэгерана кампенсаваць шкоду, нанесеную Ірану падчас пяцімесячнага ваеннага канфлікту.
«Гэта цікавая ідэя, таму што цяпер я таксама патрабую ад Ірана кампенсацыі за ўсіх людзей, якіх яны забілі або цяжка паранілі», — напісаў Трамп.
Прэзідэнт ЗША таксама заявіў, што кампенсацыі павінны атрымаць сем’і іранцаў, якія загінулі ў выніку падаўлення пратэстаў за апошнія 50 гадоў.
Трамп сцвярджае, што толькі за апошнія пяць месяцаў у Іране былі забітыя 52 тысячы чалавек. Крыніцу гэтых звестак прэзідэнт ЗША не раскрыў.
Праваабарончыя арганізацыі раней дакументальна пацвердзілі больш за шэсць тысяч загінулых у выніку рэпрэсій пасля агульнанацыянальных пратэстаў, якія пачаліся ў студзені. Праваабаронцы дапускаюць, што рэальная колькасць ахвяраў можа быць значна вышэйшай.
-
Трамп анансаваў тэлефонную размову з Пуціным
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны18
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары