У інтэрв’ю нямецкаму ZDF Уладзімір Зяленскі назваў атачэнне Пуціна шчанюкамі і растлумачыў, чаму цывілізаваны свет адмяжоўваецца ад Расіі.
«Гэта важна, каб ён разумеў, што з ім ніхто не будзе гаварыць. Калі б рускае грамадства разумела, ну вы выбралі чалавека, які пагражае ўсім нам ядзернай зброяй. Ён захапіў Украіну. Таму трэба дакладна сказаць, паважаныя грамадзяне Расійскай Федэрацыі, у вас на чале чалавек, які кажа пра ядзерную зброю, пра прымяненне ядзернай зброі. Мы не можам з ёй размаўляць. І вы ўсе будзеце пакутаваць за гэта. І мы ізалюемся ад вас, таму што не хочам мець справу з тэрарызмам».
Зяленскі дадаў, што Украіна пагодзіцца на перамовы толькі тады, калі РФ будзе гатовая да дыялогу без пагроз і аўтаматаў, калі акупанты сыдуць з тэрыторыі Украіны і перастануць забіваць мірных людзей.
«Выбачайце мяне, яго (Пуціна) асяроддзе, яго шчанюкі — яны ж нават не сабакі — яны проста шчанюкі. Калі кожны з іх вып'е па 50 грамаў гарэлкі, і крычыць: «Мы заўтра выкарыстаем ядзерную зброю!» Што гэта наогул такое?» — сказаў прэзідэнт Украіны.
«Ён павінен баяцца — мы не павінны баяцца, не Еўропа павінна баяцца», — дадаў Зяленскі.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным5
Каментары