Галоўчанка: Вялікія аб'ёмы беларускіх грузаў пойдуць праз астраханскія парты
Прэм'ер-міністр Беларусі Раман Галоўчанка пасля сустрэчы з губернатарам расійскай Астраханскай вобласці расказаў, што беларускія грузы пойдуць на экспарт праз астраханскія парты і «гэта вельмі вялікія аб'ёмы».
«Гэта лесаматэрыялы, піламатэрыялы, хімічныя рэчывы, мінеральныя ўгнаенні, грузавыя аўтамабілі і гэтак далей», — сказаў Галоўчанка.
Прапанаваныя астраханскімі ўладамі ўмовы па перавалцы і захоўванні беларускіх грузаў прэм'ер назваў прывабнымі.
Таксама губернатар Астраханскай вобласці Ігар Бабушкін прапанаваў Галоўчанку пабудаваць лагістычны цэнтр для беларускіх тавараў у партовай асобай эканамічнай зоне ў гэтай вобласці.
Тыдзень таму віцэ-прэм'ер Сівак паведаміў, што беларускія прадпрыемствы нарошчваюць экспарт праз парты Расіі і па чыгунцы ў Кітай. Відаць, грузы па Каспійскім моры таксама мусяць пайсці туды.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары