Дырэктар крымскага заапарка паабяцаў вярнуць вывезеных з Херсона жывёл
Дырэктар парка львоў «Тайган» і заапарка «Казка», крымскі бізнэсмен Алег Зубкоў заявіў «Крыму.Рэаліі», што жывёл, якіх вывезлі з акупаванага войскамі РФ Херсона, вернуць.
«Патэлефанавалі з Херсона. А я не ведаў, што ў Херсоне ёсць наогул нейкі заакуток або заапарк… ведаў пра Мікалаеўскі заапарк, часта бываў там і міма Херсона праязджаў. Але, аказваецца, там ёсць заакуток, дзе былі любімыя херсонцамі жывёлы. Дзве ваўчыцы, асліца Даша, а таксама ў гандлёвым цэнтры быў заакуток, згарэў… Мы неадкладна сабраліся. Мяне выпусцілі пад падпіску. Мы пагрузілі жывёл, супакоілі, што гэта часовая эвакуацыя. Шкадую аб гібелі жывёл, сэрца разрываецца. Цяпер яны ў добрых умовах, у «Тайгане», — распавёў Зубкоў.
Ён падкрэсліў, што вывезеныя з Херсона яноты знаходзяцца «на часовым утрыманні».
«Я вярну іх адразу, як толькі ўлады Херсона дадуць каманду, што могуць іх прыняць. Яшчэ тры паўліны, два фазаны, цацаркі, дзве ваўчыцы, лама і асліца Даша», — пералічыў Зубкоў, дадаўшы, што мае намер вярнуць жывёл «у поўным складзе».
Каментары