У Расіі адбыўся другі за два дні пажар на заводзе па вытворчасці матораў для вайсковай тэхнікі
4 чэрвеня ў Яраслаўлі на заводзе «Аўтадызель» узнік пажар у цэху па вытворчасці 12-цыліндравых рухавікоў.
Агонь ахапіў плошчу 400 кв. м, але абышлося без пацярпелых. Ліквідацыя пажару заняла больш за паўтары гадзіны, піша Moscow Times.
Прычына ўзгарання не ўдакладняецца. Завод «Аўтадызель» (Яраслаўскі маторны завод) з'яўляецца адным з найбуйнейшых расійскіх прадпрыемстваў па вытворчасці дызельных рухавікоў шматмэтавага прызначэння і каробак перадач. У маі 2024 года ён трапіў пад санкцыі ЗША за вытворчасць рухавікоў для расійскай арміі.
Раней, 2 чэрвеня, на Заволжскім маторным заводзе ў Ніжагародскай вобласці адбыліся выбух і пажар. Паводле дадзеных дзяржаўнай інспекцыі працы рэгіёна, прычынай стала ўзгаранне грузавіка з цыстэрнай у адным з цэхаў, дзе захоўваліся хімічныя рэчывы. У выніку адзін рабочы атрымаў апёкі 10% цела і быў шпіталізаваны. Плошча пажару склала 75 кв. м.
Заволжскі маторны завод спецыялізуецца на выпуску бензінавых і дызельных матораў, у тым ліку для вайсковай тэхнікі.
Гэтыя інцыдэнты падкрэсліваюць праблемы бяспекі на расійскіх прадпрыемствах, якія займаюцца вытворчасцю тэхнікі для ваенных патрэб.
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары