На тэрыторыі Цвярской вобласці 25-гадовы беларус здзейсніў шэраг цяжкіх і асабліва цяжкіх злачынстваў.
У Цвярской вобласці Расіі завершана расследаванне крымінальнай справы ў дачыненні да ўраджэнца Беларусі 25‑гадовага Канстанціна Самулевіча, які ад красавіка 2006 да лістапад 2008 года здзейсніў на тэрыторыі горада Цвер і вобласці шэраг цяжкіх і асабліва цяжкіх злачынстваў.
Усе злачынствы здзяйсняліся ў лесе ў цёмную пару сутак, спосаб злачынства быў ідэнтычны — гвалтаўнік вёў ахвяру ў бязлюднае месца, дзе і ўчыняў злачынства.
28 ліпеня 2006 года Самулевіч разам з нявысветленай асобай здзейснілі згвалтаванне і замах на забойства непаўналетняй. Яны душылі ахвяру, а калі яна страціла прытомнасць, палічылі мёртвай і з месца злачынства зніклі. Дзякуючы гэтаму, дзяўчына засталася жывая.
22 траўня 2008 года ў Канакоўскім раёне Самулевіч абрабаваў 18‑гадовую дзяўчыну — а потым забіў яе.
19 жніўня 2008 года ў горадзе Цвер абвінавачаны, пагражаючы забойствам, згвалтаваў непаўналетнюю, а таксама абрабаваў яе.
У лістападзе 2008 года Самулевіч згвалтаваў і забіў 18‑гадовую дзяўчыну.
Каментары