Сістэмы NASAMS засведчылі стопрацэнтную эфектыўнасць у перахопе расійскіх ракет
Перададзеныя Злучанымі Штатамі сістэмы супрацьпаветранай абароны NASAMS прадэманстравалі стопрацэнтную эфектыўнасць у перахопе расійскіх ракет падчас учорашніх ракетных удараў Расіі па Украіне. Пра гэта заявіў кіраўнік Пентагона Лойд Осцін у пачатку сёмай сустрэчы кантактнай групы па Украіне.
Як адзначыў Лойд Осцін, Крэмль разлічвае, што бамбаванні пахіснуць супраціў украінскага народа, але ўкраінскія грамадзяне адказваюць нябачаным дагэтуль супрацівам.
«У рамках гэтай кантактнай групы мы будзем працягваць дэманстраваць нашу адзіную падтрымку самаабароне Украіны», — адзначыў міністр абароны ЗША. Паводле яго слоў, намаганні кантактнай групы накіраваныя на тое, каб Украіна ўтрымлівала ініцыятыву на полі бою.
«У якасці прыкладу таго, якімі важнымі з'яўляюцца нашы ахвяраванні, можна назваць сістэмы СПА NASAMS, якія ўжо дзейнічаюць ва Украіне. Яны ўчора прадэманстравалі поспех на 100 % у перахопе расійскіх ракет падчас жорсткага бамбавання Крамлём», — заявіў Осцін.
«У той час як Расія працягвае свае бязлітасныя бамбардзіроўкі, дзяржавы добрай волі працягваюць падтрымку Украіны. Жорсткасць Расіі толькі умацоўвае наш супраціў», — падкрэсліў кіраўнік Пентагона.
На мінулым тыдні прадстаўнік Міністэрства абароны ЗША, брыгадны генерал Патрык Райдэр пацвердзіў, што Украіна атрымала дзве сістэмы супрацьпаветранай абароны NASAMS.
Чытайце таксама:
Украіна атрымала сістэмы NASAMS. У чым іх перавага?
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары