Эканоміка

EPAM плануе працу ў Беларусі, але лічыць «любую эскалацыю» пагрозай

EPAM плануе працягваць працу ў Беларусі. Пры гэтым удакладняе, што любая экскалацыя ваеннага канфлікту з удзелам Беларусі пагражае бізнэсу кампаніі ў краіне. Пра гэта гаворыцца ў справаздачы кампаніі для Камісіі па каштоўных паперах і біржах ЗША, піша Dev.by.

EPAM чарговы раз заявіў, што разлічвае працягнуць працу ў Беларусі і забяспечыць бесперапыннасць працы бізнэсу ў краіне. Але пры гэтым высока ацэньвае рызыкі ў сувязі з вайной ва Украіне. «Любая эскалацыя канфлікту з удзелам Беларусі можа паставіць пад пагрозу наш персанал, аб’екты і аперацыі ў краіне», — адзначаецца ў справаздачы.

EPAM удакладняе, што «значная частка» супрацоўнікаў з Беларусі і Расіі ўжо пераехала ў іншыя краіны. Кампанія мае намер працягнуць рэлакацыю спецыялістаў і дапамагаць ім з пераездам.

Сярод найпапулярнейшых лакацый для пераезду супрацоўнікаў з Беларусі — Літва і Польшча. У літоўскім офісе працуе каля 1,5 тысячы супрацоўнікаў, у польскіх офісах больш за 5 тысяч супрацоўнікаў. Цяпер на сайце кампаніі для працы ў Літве адкрыта 138 вакансій, для працы ў Польшчы — 180 вакансій.

Таксама EPAM расказаў пра рызыкі для кампаніі і працаўнікоў ва Украіне. У прыватнасці, кампанія высока ацэньвае рызыкі пашкоджання або знішчэння арандаваных офісаў у розных гарадах праз вайну.

Асноўная доля актываў EPAM знаходзіцца якраз ва Украіне, іх кошт перавышае 71 мільён даляраў. Найдаражэйшы актыў — недабудаваны бізнэс-цэнтр у Кіеве, які ацэньваецца ў 51 мільён даляраў. EPAM купіў гэту нерухомасць летась.

Увесну EPAM аднавіў найманне персаналу ва Украіне (яго скасавалі пасля пачатку вайны). На сайце кампаніі на гэты момант адкрыта 70+ вакансій для суіскальнікаў.

Негатыўна на бізнэсе, як заяўляюць у EPAM, могуць адбіцца і новыя санкцыі з боку ЕС і іншых краін у дачыненні да Расіі і Беларусі. У справаздачы адзначаецца, што кампанія была вымушаная перанесці працу па некаторых праектах у іншыя лакацыі.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Трамп паведаміў, што ў панядзелак будзе гаварыць з Пуціным15

Трамп паведаміў, што ў панядзелак будзе гаварыць з Пуціным

Усе навіны →
Усе навіны

У Новай Баравой будзе новы модны квартал ФОТЫ

«Прыходзілі людзі з ссабойкамі». Беларусы размялі ўсю ежу з безлімітнага рэстарана ў першы дзень адкрыцця18

На аўкцыёне прадалі карціну Шагала амаль за 3,5 мільёна даляраў

Сталі вядомыя ўсе ўльтыматыўныя патрабаванні Расіі на перамовах у Стамбуле11

Хадзі Матара, які некалькі разоў ударыў нажом пісьменніка Салмана Рушдзі, асудзілі на 25 гадоў

«Каб купіць дом, працавала на нарказаводзе». Пасля 2020-га беларуска з пяццю дзецьмі пераехала ў Канаду24

«Калі вы зможаце пакінуць Швейцарыю?» — «Ніколі». Сталі вядомыя новыя факты пра апошні перыяд жыцця Магдалены Радзівіл5

У Швецыі знайшлі мёртвым дыпламата, якога раней арыштавалі па падазрэнні ў шпіянажы

Туск пасля размовы з Трампам: Нас чакаюць вельмі цяжкія дні3

больш чытаных навін
больш лайканых навін

Трамп паведаміў, што ў панядзелак будзе гаварыць з Пуціным15

Трамп паведаміў, што ў панядзелак будзе гаварыць з Пуціным

Галоўнае
Усе навіны →

Заўвага:

 

 

 

 

Закрыць Паведаміць