Якасны сон добра ўплывае на здароўе і настрой. Мала хто ведае, што сну шкодзіць вячэрняе пераяданне. Якія прадукты часцей за ўсё выклікаюць праблемы са сном?
Вядомы біёлаг Бенджамін Бікман называе пераяданне вечарам адной з самых частых прычын дрэннага сну. Вячэра ці перакус непасрэдна перад сном стымулююць сімпатычную нервовую сістэму, якая мабілізуе арганізм да дзейнасці. У той жа час парасімпатычная нервовая сістэма, якая адказвае за рэлаксацыю, не можа нармальна функцыянаваць, і так мы сабатуем яе працу, тлумачыць onet.pl.
Падчас прыняцця ежы тэмпература цела павышаецца, і гэта паказвае на тое, што арганізм працуе над страваваннем. У такіх умовах целу складаней расслабіцца. Акрамя таго, калі перад сном з’есці нешта салодкае, гэта павысіць узровень глюкозы ў крыві, што выкліча пачашчэнне пульсу, неспакой і павышаны крывяны ціск. Людзі часта вінавацяць у гэтых сімптомах стрэс, але насамрэч яны часта звязаныя з вячэрнім пераяданнем.
Паводле Бікмана, падчас вячэры мы павінны прытрымлівацца трох правілаў. Варта пазбягаць простых вугляводаў (перш за ўсё гэта слодыч, садавіна, ягады, цукар і мёд), выбіраць багатыя на бялкі прадукты і не баяцца ежы, што змяшчае тлушчы. Акрамя таго, Бікман раіць вячэраць не пазней чым за тры-чатыры гадзіны да сну.
Варта памятаць і пра іншыя спосабы палепшыць якасць начнога адпачынку. Перш за ўсё, вечарам варта расслабіцца, і ў гэтым вам могуць дапамагчы цёплая ванна, спакойная музыка і апырскванне падушкі эфірным алеем накшталт лавандавага. Важна і каб целу было цёпла: накрывацца дзвюма коўдрамі адразу ці коўдрай і пледам на ногі — нармальна. Паспрабуйце таксама займацца вечарам ёгай ці медытацыяй.
Чытайце таксама:
На спіне, жываце ці на баку? Навукоўцы назвалі найлепшыя позы для сну
Ці карысна спаць у шкарпэтках? Доктар не сумняецца
Цяпер чытаюць
У турме памёр былы супрацоўнік КДБ Мікалай Варапай, асуджаны за шпіянаж на карысць Украіны3
Каментары
Лев и собачка ,человек и даже мой попугай,все вздремнули бы ,если будет возможность .
Похоже на природой заложеный рефлекс.
А биолог считает почему то наоборот .
Помню при коммунистах все писали ,что яйца кушать вредно ))