У Румыніі затрымалі шэсць чалавек па падазрэнні ў звяржэнні канстытуцыйнага ладу. Лідар — 101-гадовы адстаўны генерал
Іх абвінавачваюць у сувязях з Расіяй.
Пракуратура Румыніі выдала ордар на арышт шасці чалавек, якіх абвінавачваюць у стварэнні арганізаванай злачыннай групы і дзяржаўнай здрадзе.
Па версіі следства, група спрабавала падарваць суверэнітэт і незалежнасць Румыніі, дэзынтэграваць палітычную сістэму і аслабіць абараназдольнасць краіны, Пра гэта паведамляе румынская служба «Радыё Свабода».
Следства высветліла, што пяць чалавек сфармавалі злачынную арганізацыю яшчэ ў 2023 годзе. У 2024 годзе да іх далучыўся шосты ўдзельнік.
Паводле крыніц «Радыё Свабода», група называецца «Генеральны штаб Камандавання «Улад Цэпеш». Лідарам групы лічыцца 101-гадовы генерал у адстаўцы Раду Тэадору — ён адзін з шасці абвінавачаных.
У студзені двое падазраваных ездзілі ў Маскву, дзе сустрэліся з людзьмі, якія выказалі гатоўнасць падтрымаць іх намаганні па захопе ўлады ў Румыніі.
Следчыя правялі восем вобшукаў у розных рэгіёнах краіны ў рамках расследавання.
6 сакавіка Апеляцыйны суд Бухарэста павінен прыняць рашэнне аб арышце чатырох абвінавачаных і хатнім арышце для яшчэ двух.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Дайте, я вас сейчас расцелую
Молодые мои старики
Мы ещё, мы ещё повоюем!