«Ідэолагі — гэта наглядчыкі. Таму імі так часта ставяць кадэбістаў»
Блогер Андрэй Павук, які тэлефануе беларускім чыноўнікам і троліць іх, у гутарцы «Ток» распавёў, што самая безнадзейная каста прадстаўнікоў улады — гэта ідэолагі.
Ці не на кожным дзяржаўным прадпрыемстве і ў арганізацыі лукашэнкаўскі рэжым ставіць так званых ідэолагаў. Павук гаворыць, што з людзьмі на гэтай пасадзе наладзіць камунікацыю немагчыма.
Напрыклад, у Акцябрскім раёне галоўны ідэолаг Уладзімір Елісееў. «Ну як ты з ім наладзіш размову? Ну ніяк. Не хоча ён нічога гаварыць, саромецца ён.
Нават калі з «Белсата» прыязджалі, заходзілі да яго ў кабінет, пыталіся: «Гэта вы Уладзімір Елісееў?». Ён адказаў: «Не». Вось такія ідэолагі».
Cэнс такой колькасці ідэолагаў і іх працы Павук тлумачыць так: «У турме ёсць наглядчыкі. Ідэолагі займаюцца тым жа.
Калі нехта высунуў галаву ці падняў, трэба ф’юць яе, ну альбо апусціць гэту галаву ў гэту масу.
Ніхто не павінен вытыркацца. Яны назіраюць за тым, які настрой у грамадстве. Потым дакладваюць камусьці, што так і так, калі ў іх не атрымалася на месцы з гэтым справіцца.
Гэта надзіральнікі. Таму на іх месцы так часта кадэбэшнікаў ставяць».
Цалкам гутарку глядзіце тут:
Цяпер чытаюць
Што за 17-гадовы стартапер, які выліў цэбар хлусні на Лібера на радасць беларускім спецслужбам7
Каментары