Мінабароны Расіі: На палігонах Беларусі ідзе баявая падрыхтоўка расійскіх вайсковых інжынераў
Расійскія вайсковыя інжынеры, накіраваныя ў Беларусь, праходзяць на палігонах інтэнсіўную баявую падрыхтоўку, паведаміла расійскае міністэрства абароны ў сераду.
«На палігонах у Рэспубліцы Беларусь вайскоўцы інжынерных падраздзяленняў Заходняй ваеннай акругі, якія ўваходзяць у склад рэгіянальнай групоўкі войскаў, адпрацоўваюць нарматывы ў ходзе практычных заняткаў па баявой падрыхтоўцы і зладжванні», — гаворыцца ў паведамленні.
У Мінабароны РФ паведамілі, што расійскія інжынеры ў Беларусі, у прыватнасці, абсталяваны тэхнікай для стварэння перапраў і размініравання.
Раней Мінабароны РФ паведамляла пра трэніроўкі на палігонах Беларусі расійскіх танкістаў, мотастралкоў, падраздзяленняў сувязі, радыёэлектроннай барацьбы і вайсковых медыкаў.
Раней у Мінабароны Беларусі паведамлялі, што ў рэспубліку з Расіі для стварэння сумеснай групоўкі войскаў прыбудуць да 9 тысяч вайскоўцаў і некалькі сотняў адзінак бранятэхнікі.
Прапагандысты запэўніваюць, што 196 палітвязняў ужо на свабодзе9
Каментары