Лукашэнка ўзнагародзіў прапагандыстаў і культурных дзеячаў медалямі і падзякамі
Лукашэнка падпісаў указ і распараджэнне, у адпаведнасці з якімі работнікі праўладных СМІ і сферы культуры ўдастоеныя хто дзяржаўных медалёў, а хто ягонай асабістай падзякі.
Медалі Францыска Скарыны паводле гэтых дакументаў маюць атрымаць начальнік аддзела па асвятленні дзейнасці прэзідэнта Рэспублікі Беларусь (ёсць такі ў структуры агенцтва) БелТА Уладзімір Мацвееў, ️загадчык аддзела навін культуры галоўнай дырэкцыі «Агенцтва тэлевізійных навін» Нацыянальнай дзяржаўнай тэлерадыёкампаніі Міхаіл Равуцкі, саліст аркестра імя Жыновіча Андрэй Коласаў, галоўны рэжысёр Вялікага тэатра оперы і балета Ганна Маторная, саліст—вядучы майстар сцэны гэтага тэатра Дзмітрый Шабеця.
Падзяку Лукашэнка выказаў траім супрацоўнікам АТН: загадчыцы аддзела рэпарцёраў Анастасіі Бенедзісюк, ️ намесніцы загадчыка аддзела палітычных аглядальнікаў Ілоне Красуцкай, загадчыцы аддзела выпуску Ірыне Якаўлевай.
Таксама ён падзякаваў Святлане Кнутавай і Таццяне Рудакоўскай з «Другога нацыянальнага тэлеканала», Наталлі Ярэміч з БелТА, Вадзіму Шэпету з «Альфа-Радыё» і Дзмітрыю Галоўчыцу са СТБ.
Каментары