Былы палітвязень Віктар Лосік распавёў пра сваё вызваленне і пераезд з сям'ёй у Польшчу
Віктар Лосік, былы член ініцыятыўнай групы Віктара Бабарыкі, былы незалежны назіральнік і былы палітвязень, упершыню пасля вызвалення апублікаваў пост у сацсетках.
«Я вярнуўся ў сацсеткі пасля чатырох даволі насычаных гадоў, праведзеных у «найлепшых санаторыях Беларусі», — іранізуе Віктар. — Жыццё ў гэтыя гады было поўным выпрабаванняў, адкрыццяў, новых крутых знаёмстваў і (куды ж без гэтага) — расчараванняў. Але галоўныя высновы з гэтага вопыту, я ўпэўнены, наперадзе», — напісаў ён.
Віктар расказаў, што тры месяцы як з сям'ёй ён уладкоўваецца ў Польшчы.
Ён падзякаваў тым, хто падтрымліваў яго гэты час — «гэта было вельмі важна».
Віктар Лосік быў затрыманы 6 снежня 2020 года ў п. Хацежына Мінскага раёна. Яго абвінавацілі ў тым, што ён павесіў на мосце пудзілы з фотаздымкамі міністра ўнутраных спраў і старшыні выбарчай камісіі Хацежанскага ўчастка для галасавання з надпісам «Не забудем, не простим!», а таксама намаляваў «Пагоню» на будынках і апорах маста.
Яму было прад’яўлена абвінавачванне па ч.1 арт. 339 (хуліганства) і арт. 341 КК (апаганьванне збудаванняў і псаванне маёмасці).
Віктар Лосік быў асуджаны да чатырох гадоў пазбаўлення волі ў калоніі агульнага рэжыму.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай8
Каментары