«Магчыма, у мяне нейкія італьянскія карані». Сабаленка паразважала пра нацыянальны характар беларусаў
Першы нумар сусветнага рэйтынгу пасля перамогі на турніры ў Маямі распавяла расійскаму журналісту, ці можна лічыць беларусаў спакойнымі.
Пытанне пра нацыянальны характар беларусаў Арыне Сабаленка задаў расійскі журналіст.
Ён адзначыў, што «беларусаў лічаць добразычлівымі, працавітымі і спакойнымі людзьмі». І спытаў, ці адпавядае гэтаму апісанню сама Сабаленка, піша «Спорт-Экспрэс».
«Мы і праўда добразычлівыя. Думаю, што беларусы — народ адкрыты, добры і заўсёды гатовы дапамагчы. Вы правільна сказалі — добразычлівыя. І вельмі працавітыя. Думаю, што менавіта гэтая якасць дапамагла мне стаць той, кім я ёсць.
Што да спакою… Тут не магу нічога казаць. Магчыма, у мяне нейкія італьянскія карані ці нешта падобнае, бо мой тэмперамент — такі, ха-ха, вельмі эмацыйны. Але, у прынцыпе, я змагла яго стрымаць, і цяпер у мяне ёсць кантроль над эмоцыямі», — адказала Сабаленка.
Першая ракетка свету з Беларусі выйграла прэстыжны турнір у Маямі і зарабіла 1,2 мільёна долараў.
Цяпер чытаюць
Муж Сямашкі быў не адзіным, хто атрымаў пашпарт прыкрыцця 13 лютага 2018 года20
Каментары
беларусы - неўры. неўрымслівыя.
мяне часам называюць украінкай за маю эмацыйнасць і т.п. але я не ўкраінка