Ва Украіне выпусцілі адмысловы канверт, прысвечаны сёлетняму лаўрэату Нобелеўскай прэміі міру Алесю Бяляцкаму. Адначасна выйшла і марка, прысвечаная Беларусі ў сувязі з нобелеўскім уганараваннем праваабаронца, піша «Гарадзенская праваабарона».
Ініцыятарам такога выдання стаў Уладзімір Ханас, грамадскі дзеяч з Цярнопаля. Дапамагалі ў выданні і гарадзенскія праваабаронцы.
Уладзімір Ханас патлумачыў свае дзеянні так:
«Рыхтуючы спецыяльныя канверты да атрымання Нобелеўскай прэміі міру Цэнтрам грамадзянскіх свабод (старшыня Аляксандра Матвійчук), мы вырашылі зрабіць такі ж канверт для беларускага праваабаронцы Алеся Бяляцкага.
І тут мы сутыкнуліся з пэўным выклікам. Ва Украіне хапае патрыятычных марак, сусветны розгалас выклікаў знакаміты «рускі карабель». У Беларусі такіх брэндаў няма. Таму мы вырашылі выпусціць праект маркі з беларускай сімволікай.
Пасля абмеркаванняў вырашылі абраць стылізаваны варыянт адной з першых марак незалежнай Беларусі з гербам «Пагоня». Гэта афіцыйны плацежны сродак — і своеасаблівы сімвал падтрымкі і салідарнасці з беларускім народам.
І канверты, і маркі зробленыя, пасля спецгашэння — мы іх дашлём беларускім сябрам».
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1515
Каментары