Шольц: З Зяленскім «існуе кансэнсус», што па тэрыторыі Расіі не будуць біць заходняй зброяй
Канцлер Германіі Олаф Шольц, адказваючы на пытанне журналіста Bild, ці ёсць дамоўленасць з прэзідэнтам Украіны Уладзімірам Зяленскім, што заходняя зброя будзе выкарыстоўвацца толькі на тэрыторыі Украіны, а тэрыторыя Расіі не будзе ім атакаваная, заявіў: «На гэты конт існуе кансэнсус».
Акрамя таго, канцлер пракаментаваў нядаўнюю заяву Уладзіміра Пуціна, што Расіі «зноў пагражаюць нямецкімі танкамі, на борце якіх крыжы». Шольц сказаў, што словы расійскага прэзідэнта — частка малазразумелых гістарычных параўнанняў, «якія ён выкарыстоўвае, каб апраўдаць свой напад на Украіну».
«Нішто не можа апраўдаць гэтую вайну. Расія вядзе бязлітасную вайну супраць Украіны», — дадаў Шольц. Германія ж прыняла рашэнне перадаць Украіне танкі для таго, «каб яны маглі абараняцца».
«Мы старанна ўзважвалі кожную партыю зброі, узгадняючы яе з нашымі саюзнікамі, перш за ўсё з Амерыкай. Такі сумесны падыход прадухіляе эскалацыю вайны», — упэўнены канцлер Германіі.
Чытайце таксама:
Канцлер Шольц: Наша мэта ясная — у Расіі не павінна атрымацца зрушыць межы з ужываннем сілы
WSJ: Гэта не Шольца змусілі паслаць танкі, а ён раскруціў Байдэна на «Абрамсы»
СМІ: Германія ўсё ж адпраўляе танкі Leopard ва Украіну
Цяпер чытаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў44
Каментары