У судзе Заводскага раёна Мінска 28 студзеня 2022 года Івану Андрушойцю агучылі прысуд — 3,5 года калоніі. Па выніках апеляцыі палітвязню змянілі прысуд — скарацілі да трох гадоў, а сёння ён выйшаў на волю, адбыўшы ў зняволенні 2 гады, 2 месяцы і 4 дні, піша «Вясна».
Іван — фігурант «справы ўзлому камп'ютарнай сістэмы Мінгарвыканкама», які знаходзіцца за кратамі ўжо 26 месяцаў. Яго абвінавацілі паводле шасці артыкулаў Крымінальнага кодэкса.
Згодна з матэрыяламі крымінальнай справы, «абвінавачаныя з дапамогай шкоднаснага ПЗ атрымалі доступ да камп'ютарных сістэм КУП «ЦІТ Мінгарвыканкама» і ГУУС Мінгарвыканкама, што пацягнула за сабой парушэнне нармальнай працы прадпрыемстваў і дзяржорганаў, а таксама гэтыя асобы скапіявалі і выдалілі файлы розных фарматаў і ўнеслі ў іх загадзя ілжывую інфармацыю».
У маі 2022 года Івана этапавалі ў бабруйскую калонію №2, адміністрацыя якой змясціла яго ў ПКТ да заканчэння тэрміну.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы80
Каментары