«Рашучы пратэст». У МЗС выклікалі часовага паверанага ў справах Польшчы
У МЗС быў выкліканы часовы павераны ў справах Польшчы ў Беларусі Марцін Вайцяхоўскі. Яму заяўлены «рашучы пратэст» у сувязі з абвешчанымі польскім кіраўніцтвам планамі прыпыніць 10 лютага з 14:00 па беларускім часе рух у пункце пропуску «Баброўнікі — Бераставіца».
Паведамляецца, што польскаму дыпламату было ўказана на «катэгарычную непрымальнасць такога кроку, які абвастрае і без таго вельмі складаную сітуацыю на беларуска-польскай мяжы і парушае правы тысяч грамадзян Беларусі, Польшчы і многіх іншых краін».
«Польскае кіраўніцтва наўмысна стварае нечалавечыя ўмовы для простых грамадзян і перавозчыкаў, наносіць істотную шкоду як буйным эканамічным аператарам, так і дробнаму бізнесу. Найбольшую шкоду зазнаюць еўрапейскія кампаніі і грамадзяне, перш за ўсё польскія. Як вядома, беларускія перавозчыкі праз раней прынятыя польскім бокам пастановы перасякаць мяжу не могуць», — заявілі ў МЗС.
Там таксама адзначылі, што ўся адказнасць за рашэнне ляжыць на ўрадзе Польшчы, і польскім прадпрымальнікам параілі задаць яму «адпаведныя пытанні».
У беларускім МЗС заявілі пра контпрадукцыйнасць любых спроб ціску на Беларусь, заявіўшы, што такі крок носіць антыгуманны характар.
Польшча закрывае пункт пропуску «Баброўнікі» «з меркаванняў нацыянальнай бяспекі»
Да чаго можа прывесці закрыццё «Баброўнікаў»
«Яна забрала дзяцей і вярнулася ў Мінск»: гісторыя беларуса, які эміграваў у Барселону з сям'ёй, а застаўся адзін18
Каментары
https://nashaniva.com/309540