«Rašučy pratest». U MZS vyklikali časovaha pavieranaha ŭ spravach Polščy
U MZS byŭ vyklikany časovy pavierany ŭ spravach Polščy ŭ Biełarusi Marcin Vajciachoŭski. Jamu zajaŭleny «rašučy pratest» u suviazi z abvieščanymi polskim kiraŭnictvam płanami prypynić 10 lutaha z 14:00 pa biełaruskim časie ruch u punkcie propusku «Babroŭniki — Bierastavica».
Paviedamlajecca, što polskamu dypłamatu było ŭkazana na «kateharyčnuju nieprymalnaść takoha kroku, jaki abvastraje i biez taho vielmi składanuju situacyju na biełaruska-polskaj miažy i parušaje pravy tysiač hramadzian Biełarusi, Polščy i mnohich inšych krain».
«Polskaje kiraŭnictva naŭmysna stvaraje niečałaviečyja ŭmovy dla prostych hramadzian i pieravozčykaŭ, nanosić istotnuju škodu jak bujnym ekanamičnym apierataram, tak i drobnamu biźniesu. Najbolšuju škodu zaznajuć jeŭrapiejskija kampanii i hramadzianie, pierš za ŭsio polskija. Jak viadoma, biełaruskija pieravozčyki praz raniej pryniatyja polskim bokam pastanovy pierasiakać miažu nie mohuć», — zajavili ŭ MZS.
Tam taksama adznačyli, što ŭsia adkaznaść za rašeńnie lažyć na ŭradzie Polščy, i polskim pradprymalnikam paraili zadać jamu «adpaviednyja pytańni».
U biełaruskim MZS zajavili pra kontpradukcyjnaść lubych sprob cisku na Biełaruś, zajaviŭšy, što taki krok nosić antyhumanny charaktar.
Kamientary
https://nashaniva.com/309540