Грамадства1313

«Байпол» расказаў, чым падрывалі самалёт у Мачулішчах і што ў ім можа быць пашкоджана

У тэлеграм-канале «Байпола» выкладзена падрабязная інфармацыя пра тое, якая выбухоўка выкарыстоўвалася падчас дыверсіі ў Мачулішчах 26 лютага і якія вынікі гэта магло мець для самалёта. З гэтага паведамлення можна зразумець, прынамсі, тое, на якія вынікі аперацыі разлічвалі самі яе выканаўцы. 

Спадарожнікавы здымак аэрадрома пасля дыверсіі

Паводле «Байпола», удзельнікамі плана «Перамога» пры здзяйсненні акцыі былі выкарыстаныя два дроны вытворчасці кампаніі DJI, пераабсталяваныя ў дроны-камікадзэ саматужным спосабам.

Кожны дрон нёс зарад 200 грам выбуховага рэчыва ў трацілавым эквіваленце. У якасці паражаючага элемента выкарыстаны металічныя шары з прыкладнай колькасцю 200 шт. на кожны.

Зыходзячы з апублікаваных спадарожнікавых здымкаў можна меркаваць, што маюцца два месцы пашкоджання.

Першае — пашкоджаны ключавы элемент, трохкаардынатная радыёлакацыйная станцыя, а менавіта лакатар. Другое — відаць пашкоджанне ў раёне размяшчэння абцякальніка антэны спадарожнікавай радыёлініі ў пярэдняй частцы, паблізу насавога адсека.

Наколькі гэтыя пашкоджанні могуць быць сур'ёзныя? Калі пашкоджаны лакатар, то антэну прыйдзецца мяняць цалкам з поўнай яе разборкай і дэмантажом. А акрамя антэны лакатара пад абцякальнікам павінна яшчэ знаходзіцца антэна сістэмы распазнавання «свой-чужы».

Абсталяванне такога тыпу, сцвярджае «Байпол» — дарагі адзінкавы прадукт, які вырабляецца на аснове папярэдняй замовы.

Не варта недаацэньваць і такія фактары паражэння, як уздзеянне агню і ўдарнай хвалі, якая прыводзіць да дэфармацыі альбо зрушэння элементаў лакатара.

Сталёвыя шарыкі ў ходзе выбуху павінны былі прабіцца на даволі вялікую глыбіню ў адносна тонкую абалонку корпуса самалёта і пашкодзіць праводку ды ЗВЧ-абсталяванне — РЛС і станцыю спадарожнікавай сувязі, якія размяшчаюцца, як правіла, паблізу антэн для пазбягання вялікіх страт энергіі ў ЗВЧ-хваляводах.

Акрамя таго, пад абшыўкай борта самалёта, уздоўж корпуса цягнуцца сажгутаваныя правады. І менавіта ў такім самалёце з-за наяўнасці вялікай колькасці абсталявання кабеляў рознага тыпу і прызначэння — кіламетры. Сталёвыя паражаючыя элементы маглі не толькі разарваць драты, але разам з агнём і аплавіць іх. 

Пакуль што невядома, ці давялося тушыць пажар і якой сумессю. 

Але акурат высокая тэмпература і рэакцыя на сродкі пажаратушэння таксама маглі паслужыць прычынай змены колеру крылаў і іншых элементаў, што відаць на спадарожнікавых здымках.

Калі тушэнне рабілася, то высокая імавернасць трапляння сродкаў пажаратушэння ў разбураныя месцы, а гэта прыводзіць да акіслення ўнутранай часткі ЗВЧ-хваляводаў, пакрытых металам з высокай праводнасцю, якім з'яўляецца срэбра. Высокая энергія сігналу лакацыйных станцый у месцах карозіі выклікае прагаранне гэтага пакрыцця. У выніку гэта можа выклікаць выхад са строю самой радыёлакацыйнай сістэмы.

Аднаўленне апісаных вышэй верагодных пашкоджанняў патрабуе наяўнасці не адной рамонтнай брыгады, а калектываў спецыялістаў, якія працуюць у сваіх вузкіх напрамках.

Пры гэтым патрабуецца наяўнасць рамонтных і выпрабавальных стэндаў. Зрабіць такі рамонт магчыма толькі на плошчах прадпрыемства, якое выконвала мадэрнізацыю комплексу. 

Каментары13

  • бай пол
    01.03.2023
    3,14здеть - не мешки в колонии таскать
  • Чел
    01.03.2023
    Anatol Starkou, Ага, и пыжи были "осаленные". 
  • Беларус
    01.03.2023
    Слава героям кто это сделал и низкий поклон! Жыве Беларусь!

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

Зяленскі, а таксама ў Крамлі пракаментавалі ўдар па Крымскім мосце9

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць