Гэты амерыканскі штат першым забараніў дзецям і падлеткам выкарыстоўваць сацыяльныя сеткі ўначы
Губернатар амерыканскага штата Юта Спенсер Кокс падпісаў два законы, якія абмяжоўваюць выкарыстанне непаўналетнімі сацыяльных сетак без згоды бацькоў. Пра гэта піша РБК.
Новыя законы патрабуюць, каб тэхналагічныя кампаніі ўвялі «каменданцкую гадзіну» для дзяцей і падлеткаў з 22:30 да 6:30 па мясцовым часе. У перыяд «каменданцкай гадзіны» непаўналетнія не змогуць карыстацца сваімі акаўнтамі ў сацсетках.
Законы патрабуюць праверкі ўзросту ўсіх карыстальнікаў сацсетак, абавязваюць тэхналагічныя кампаніі даваць бацькам або апекунам доступ да акаўнтаў іх дзяцей, а таксама дазваляюць падаваць судовыя пазовы ад імя дзяцей, якія сцвярджаюць, што сацыяльныя сеткі прычынілі ім шкоду. Акрамя таго, новыя правілы абмяжоўваюць паказ рэкламы непаўналетнім.
Законы павінны ўступіць у сілу з сакавіка 2024 года. Чакаецца, што тэхналагічныя кампаніі паспрабуюць аспрэчыць іх правамернасць у судзе.
Некамерцыйная арганізацыя Electronic Frontier, якая выступае за прыватнасць у інтэрнэце, заклікала адмовіцца ад прыняцця законаў, заяўляючы, што абмежаванні па часе і праверка ўзросту пры выкарыстанні сацыяльных сетак парушаюць правы непаўналетніх на свабоду слова і недатыкальнасць прыватнага жыцця.
Пры гэтым правілы, аналагічныя прынятым у Юце, прапануюць заканадаўцы і ў іншых штатах, у прыватнасці, у Арканзасе, Тэхасе, Агая, Луізіяне і Нью-Джэрсі.
Памёр паэт Уладзімір Карызна, аўтар слоў да цяперашняга дзяржаўнага гімна Беларусі5
Каментары