КДК звярнуў увагу і на тое, што ў пачатку года аператары зрабілі спробу павысіць кошт паслуг праз іх вылучэнне ў якасці дадатковых з абаненцкай платы, і на тое, што ў сакавіку яны зноў анансавалі рост цэн на дадатковыя і сэрвісныя паслугі. Умяшанне кантралёраў прымусіла мабільных аператараў адмовіцца ад гэтых планаў.
Тарыфы мабільных аператараў на гэты момант не ўваходзяць у пералік тых цэн, якія рэгулюцца дзяржавай, і КДК цяпер рупіцца аб тым, каб іх туды ўключылі. Калі гэта здарыцца, то аператары будуць вымушаныя на кожнае павышэнне прасіць дазволу зверху.
Але не факт, што гэтым праблемы аператараў абмяжуюцца. Як паведамляе КДК: «З удзелам зацікаўленых ведамстваў будзе прадметна вывучана дзейнасць аператараў сотавай сувязі па пытаннях выканання падатковага і цэнавага заканадаўства, якасці паслуг, што яны аказваюць, паўнаты выканання абавязацельстваў перад спажыўцамі і дзяржавай».
Чытайце таксама:
На дзве праверкі — тры крымінальныя справы. КДК прывёў лічбы «эфектыўнасці» сваёй працы
Беларусам пры куплянні сталі часцей навязваць дадатковыя паслугі
