Жыхар Кармы ішоў пешшу дадому і загруз у гразі. Яго выцягвалі ратавальнікі
28-гадовы жыхар райцэнтра Карма на Гомельшчыне вяртаўся ў суправаджэнні сабакі дадому з аднаго аграгарадка. Адлегласць складала некалькі дзясяткаў кіламетраў, і каб зрэзаць шлях ды хутчэй патрапіць дадому, мужчына пайшоў праз палі. Спачатку ўсё было добра, але так было не ўвесь час.
Адно з палёў паблізу вёскі Лубянка аказалася настолькі топкім, што чалавек загруз у гразі па костачку. Пасля няўдалых спробаў выбрацца самастойна каля паловы пятай раніцы ён патэлефанаваў у службу выратавання.
Як расказаў адзін з ратавальнікаў, ісці ім давялося ў поўнай цемры, боты патаналі ў гразі і кожны наступны крок даваўся ўсё цяжэй. Мужчыну, які патрапіў у бяду, папрасілі ўключыць ліхтарык, каб яго прасцей было заўважыць у цемры.
Нарэшце дайшлі да пацярпелага. Рыдлёўкамі адкапалі бруд вакол ног небаракі і вызвалілі яго разам з сабакам. Медыцынская дапамога мужчыну не спатрэбілася, яго даставілі дадому.
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары