У інтэрнэце з'явілася відэа, як адразаюць галаву ўкраінскаму вайскоўцу
Расійскія вайскоўцы жорстка забілі палоннага ўкраінскага вайскоўца і запісалі гэта на відэа. Відэа з'явілася ў расійскіх пабліках у аўторак.
Увечары 11 красавіка ў сацыяльных сетках распаўсюдзілі відэа жорсткага забойства ўкраінскага палоннага. На кадрах задакументавана, як расійскі вайсковец нажом адразае галаву ўкраінскаму абаронцу, які на той момант быў яшчэ жывы.
Знаходзячыся ў шокавым стане, палонны крычыць, што яму балюча. Акупанты каментуюць пакаранне словамі «Працуем, браты», «Ламай хрыбетнік, што ніколі башку не рэзаў, н***».
Адрэзаную галаву расіяне дэманструюць на камеру і кажуць, што яе трэба адправіць камандзіру забітага.
Твар акупанта, які здзейсніў пакаранне, на відэа закрыты маскай. На запісе відаць, як прысутны на месцы забойства расійскі вайсковец дэманструе на камеру бронекамізэльку пакаранага ўкраінскага палоннага.
На відэа таксама можна ўбачыць зялёнае лісце, што можа сведчыць аб тым, што запіс зроблены ў мінулым годзе.
На з'яўленне шакуюых кадраў адрэагаваў кіраўнік Офіса прэзідэнта Украіны Андрэй Ярмак.
«За ўсё будзе адказ і адказнасць», — напісаў ён у тэлеграме.
У сакавіку стала вядома, што расійскія захопнікі расстралялі бяззбройнага ўкраінскага палоннага пасля слоў «Слава Украіне».
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары