«Слава Украіне!» СБУ канчаткова ўстанавіла асобу расстралянага ў палоне байца. Зяленскі прысвоіў яму званне Героя Украіны
Служба бяспекі Украіны паведаміла, што ўкраінскім вайскоўцам, якога расстралялі пасля слоў «Слава Украіне!», быў снайпер 163 батальёна 119 асобнай брыгады ТРА Чарнігаўскай вобласці Аляксандр Маціеўскі.
«Канчаткова пацвердзіць звесткі героя ўдалося пасля комплексу следчых дзеянняў, якія ўключалі размовы з роднымі і пабрацімамі загінулага, а таксама апрацоўку фота- і відэаматэрыялаў. Акрамя таго, СБУ атрымала заключэнне судовай партрэтнай экспертызы, якой пацверджана, што вайсковец на відэа — менавіта Аляксандр Маціеўскі», — гаворыцца ў паведамленні ведамства.
Аляксандр Маціеўскі быў прызваны на вайсковую службу ў сакавіку 2022 года. З канца снежня ён лічыўся зніклым без вестак паблізу населенага пункта Чырвоная Гара ў Данецкай вобласці.
Як удалося ўстанавіць СБУ, Маціеўскага расстралялі 30 снежня 2022 года. Яго цела вярнулі дадому ў лютым 2023-га.
ДАПОЎНЕНА. Уладзімір Зяленскі прысвоіў Аляксандру Маціеўскаму званне Героя Украіны
«За яго храбрасць, за яго ўпэўненасць — ва Украіне — і за яго «Слава Украіне!», — сказаў прэзідэнт у відэазвароце.
«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай22
Каментары