Дама з сабачкамі. Галоўны архітэктар Мінска разводзіць скотчтэр'ераў
Стаж хобі — больш за 20 гадоў.
Tochka.by напрасілася ў госці да галоўнага архітэктара Мінска, Вольгі Верамей. Размаўлялі не пра працу, а пра справу для душы — пра развядзенне шатландскіх тэр'ераў.
Скотчтэр'еры — паляўнічая парода. Таму па характары гэта спакойныя сабачкі. Лішні раз не брэшуць.
Карпатлівы працэс — вывесці генетычна ідэальнага сабаку, з добрым здароўем і добрай поўсцю. Такога не трэба часта купаць і вычэсваць.
Верамеі жывуць за горадам. У іх сям'і «гадуецца» пяць скотчтэр'ераў. Любімае месца тусоўкі сабак — на канапе ў гасцёўні. Каты таксама ёсць. Абстаноўка мірная, без боек.
Карміць і выгульваць тэр'ераў дапамагаюць дамашнія — і дзеці, і муж. Не лянуюцца.
Племянное развядзенне патрабуе ўважлівага пошуку дастойнага сабакі, з багатым радаводам. Звычайна гэта тоўстая папка — цэлая асабістая справа.
Усе кандыдаты спрэс прыгажуны — чэмпіёны выстаў. Правільная афарбоўка і роўныя зубы. І гэта без вініраў.
«Жаніхоў шукаем не толькі ў краіне. Лёталі нават у Ірландыю. У Маскве вязалі з сабакам з англійскага гадавальніка», — распавядае Вольга Верамей.
Перад вязкай тэр'ерам робяць некалькі УГД, аналіз крыві. Месца сустрэчы — на тэрыторыі кавалера, дзе ён сябе ўпэўнена адчувае.
У прыплодзе — да васьмі шчанюкоў. Кожны трэці застаецца сабаку. Калі на тры не дзеліцца, дамаўляюцца па грошах.
Утрыманне чатырохногіх цягне капейку. Выдаткі — прымальныя для сямейнага бюджэту.
Мяшка корму за 170 рублёў хапае на тры месяцы. Плюс планавае медыцынскае абслугоўванне. І планавыя прышчэпкі кожны год: ад шаленства, чумы, гепатыту. Ну і яшчэ прэпарат ад кляшчоў.
Вольга Верамей аддае шчанюкоў толькі ў добрыя рукі. У пяць месяцаў, калі ўжо дарослыя і выхаваныя — не кусаюцца і не цураюцца людзей. Шчанюкі растуць у зграі — дарослыя тэр'еры падаюць прыклад.
З новымі гаспадарамі сваіх гадаванцаў Вольга Верамей заўсёды на сувязі. Некаторыя ўжо сталі блізкімі сябрамі. Як мінімум у свята дакладна дашлюць паштоўку ў Вайбер
Чалавек-кот і чалавек-сабака: тое, якая ў вас хатняя жывёла, можа шмат расказаць пра ваш характар
Чаму кот выбірае аднаго гаспадара? Дазнайцеся, як спадабацца вашаму гадаванцу
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары
яны хоць раз у жыцці палявалі? дык ці шчаслівыя яны? усе штучныя пароды з цягам часу выраждаюцца. гэта прырода
«Жаніхоў шукаем не толькі ў краіне. Лёталі нават у Ірландыю. [ага - на гістарычную радзіму Байдэна] У Маскве вязалі з сабакам з англійскага гадавальніка», — распавядае Вольга Верамей.
калі ёй архітэктурай мегаполіса займацца, калі столькі з сабачкамі турбот?