Сцэнарыст Мікі Дэ Хара патрабуе ад рэжысёра выплаты 250000 даляраў за выкарыстанне ідэі і некаторых момантаў, якія выкарыстоўваліся ў фільме «Джэнтльмены».
У 2008 годзе рэжысёр Гай Рычы папрасіў сцэнарыста Мікі Дэ Хара напісаць працяг крымінальнага баевіка «Рок-н-рольшчык», над якім яны тады працавалі разам. Фільм меў быць заснаваны на досведзе Дэ Хары, які некалі апынуўся ў турме за выраб і распаўсюджванне забароненых рэчываў.
У 2018-м Дэ Хара напісаў сцэнарый да фільма, дзе галоўны герой кіруе бізнэсам па продажы марыхуаны. Рычы тады адказаў, што час гангстарскага кіно мінуў, а праз два гады выпусціў фільм «Джэнтльмены» з падобным сюжэтам.
Пасля выхаду фільма Мікі Дэ Хара пачаў разбірацца ў сітуацыі. Рычы паведаміў яму, што не мог скантактавацца з ім, а цяпер, пасля выхаду фільма ўжо нічога зрабіць нельга. Ён прапанаваў пазначыць Дэ Хару як сцэнарыста іншага фільма, але той не пагадзіўся і падаў у суд.
Што за «Сігма бой»? Гэтай віруснай песняй занепакоіліся ў Еўрапарламенце13
Каментары