Аляксандр Лукашэнка падпісаў указ па арэндным жыллі. Для каштоўных спецыялістаў яно стане больш танным.
Указ «Аб асаблівасцях выдзялення і выкарыстання арэнднага жылля» падпісаў Аляксандр Лукашэнка, піша прэс-служба палітыка.
Дакумент рэгулюе прадастаўленне арэнднага жылля работнікам запатрабаваных у краіне прафесій.
Указам прадугледжана, што раённыя і гарадскія выканаўчыя камітэты маюць права вызначаць на месцах пералік спецыялістаў, у якіх мае патрэбу рэгіён, і прымаць рашэнні аб выдзяленні ім арэнднага жылля на падставе хадайніцтваў работадаўцаў, але толькі з ліку дзяржаўных органаў і арганізацый.
Для найбольш запатрабаваных спецыялістаў, якія маюць першачарговае права на атрыманне такой жылплошчы, будзе прымяняцца паніжальны каэфіцыент пры разліку арэнднай платы.
Гэта першы ўказ, падпісаны Лукашэнкам пасля выбараў.
Каментары