Буданаў на сакрэтнай нарадзе папярэдзіў аб пагрозе існаванню Украіны, калі не будзе перамоў. У ГУР гэта абвяргаюць
На закрытай нарадзе кіраўнікоў парламенцкіх фракцый і прадстаўнікоў ваеннага камандавання начальнік ГУ выведкі МУС Кірыла Буданаў адзначыў, што пры адсутнасці сур'ёзных перамоў пра завяршэнне вайны да лета, могуць быць запушчаны небяспечныя для Украіны працэсы, піша «Украінская праўда».
Паводле выдання, нядаўна ў парламенце прайшла закрытая нарада кіраўніцтва Вярхоўнай Рады і фракцый з прадстаўнікамі камандавання Сіл абароны. Парламентарыі хацелі пачуць аб рэальным становішчы спраў у вайне.
Сваімі ўражаннямі з выданнем на ўмовах ананімнасці падзяліўся адзін з удзельнікаў сустрэчы.
«Спачатку прадстаўнікі Генштаба гаварылі шмат, блытана, але вельмі цікава. Потым былі іншыя даклады. Але больш за ўсё запомніўся адказ Буданава. Нехта ў яго спытаў, колькі ў нас яшчэ ёсць часу. А Кірыл з ягонай халоднай усмешкай кажа: «Калі да лета не будзе сур'ёзных перамоў, то могуць пачацца вельмі небяспечныя для існавання Украіны працэсы…»
Усе пераглянуліся і змоўклі», — расказаў суразмоўца.
Ва ўкраінскай выведцы адказалі на публікацыю. Там заявілі, што Буданаў не казаў пра пагрозу для Украіны, калі перамовы пра мір не пачнуцца да лета.
У Галоўным упраўленні заклікалі «не распаўсюджваць чуткі, неправераную і непацверджаную афіцыйна інфармацыю».
«Распаўсюд якіх-небудзь паведамленняў аб тым, што быццам бы абмяркоўваецца на афіцыйных нарадах з грыфам «таемна» з удзелам вайскова-палітычнага кіраўніцтва дзяржавы, шкодзіць бяспецы дзяржавы і выкарыстоўваецца ворагам у сваіх інтарэсах», — гаворыцца ў заяве ГУР.
-
Расія цяпер не трымае на тэрыторыі Беларусі вялікіх вайсковых сіл — Дзяржпагранслужба Украіны
-
«Рэактыўны шахед урэзаўся ў мой дом». Расіяне спрабавалі кропкавым ударам забіць дарадцу міністра абароны Украіны, спецыяліста па радыётэхналогіях
-
УСУ апублікавалі відэа знішчэння дэсантных караблёў у бухце Севастопаля
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары
Мог праўду казаць, мог і непраўду.
Калі і праўду, то што тое за працэссы такія, што зараз іх няма, а летам пачнуцца?
Снарады скончацца?